Eskola-errendimendu arazoak
Ikusmena eskola-etapan informazioa barneratzeko bide garrantzitsuenetako bat da.
Pertzepzio- eta ikusmen-arazoak eta arazo okulomotorrak tratatzen ditugu.
Zenbait azterlanen arabera, eskola-porrotaren % 30 ikusmen-arazo baten ondorio da, ikusmena baita informazioa barneratzeko bide garrantzitsuenetako bat. Ikusgunen ikaskuntzarekin lotutako ikusmen-arloak lantzen ditugu; izan ere, eskola-errendimenduaren arazoa faktore anitzekoa dela uste dugu, eta, beraz, tratamenduak diziplina anitzekoa izan behar duela.
Trebetasun hauek ebaluatzen ditugu:
DEM TESTA
Mugimendu sakadikoak ebaluatzen ditu, hau da, estimulua psikolinguistikoa ez denean begiek lerro jakin batetik mugitzeko duten abiadura eta zehaztasuna.
IKUSIZKO NORABIDEA
Norbanakoen, objektuen eta lengoaia-sinboloen norabide espazialak modu egokian zehazteko gaitasuna da.
HONDOA ETA IRUDIA
Forma bat beste batzuen artean ezkutatuta dagoenean hura hauteman eta aurkitzeko trebetasuna da.
ITXIERA BISUALA
Informazio osatugabea edo irudi partzial bat denean osotasun oso bat bistaratzeko gaitasuna da.
FORMAREN KONSTANTETASUNA
Forma baten funtsezko ezaugarri bat ala batzuk aldatu ez direnean hura bereizteko trebetasuna da.
BEGI-ESKU KOORDINAZIOA
Begien eta eskuen arteko koordinazio ona izatearen mende dago eskolako zeregin batzuk ikasteko ezinbestekoa den esku trebetasuna izatea (kopiak edo marrak egiteko behar den trebetasuna, adibidez). Begi-esku koordinazio onak motrizitate fin ona izatea ekartzen du.
KOPIATZEA
Irudi geometrikoak erreproduzitzeko gaitasuna da; proban, kopiatu beharreko ereduetako asko irudi osoak dira, eta horiek erreproduzitzeko erabiltzen duen estrategia ebaluatzen dugu.
HARREMAN IKUS-ESPAZIALAK
Norbera edo objektu bat espazioan egoki kokatzeko trebetasuna da.
BEGI-ESKU ABIADURA
Begia eta eskua koordinatzeko ekintza jakin batzuk egiteko zehaztasuna ebaluatzen du, debora tarte jakin bat kontuan hartuta.
GARDNER-EN TESTA
Pertsona batek letrak eta zenbakiak ezagutu eta horiek norabide egokian idazteko duen trebetasuna aztertzen du.
IKUS-DISKRIMINAZIOA
Lehen etapan, antzekotasunak eta desberdintasunak bisualki hautemateko trebetasuna da.
IKUS-MEMORIA
Aurkezpen labur baten ondoren ezaugarri batzuk gogoratzeko trebetasuna da.
IKUS-MEMORIA SEKUENTZIALA
Serie bat berehala gogoratzeko trebetasuna da, agerpen-ordena espezifiko batean.
INTEGRAZIO BISOMOTOREA
Ikusizko informazioa arkatza eta papera erabiliz hartu, aztertu eta erreproduzitzeko trebetasuna da.